Lifestyle

元朗美食推介|打卡好地點

hairless 脫毛夏日優惠

元朗不嬲都係假日好地方,不過一班成日係九龍玩開朋友仔可能未必知在元朗食咩好,但其實元朗美食多不勝數,上至教育路、朗屏,下至元朗西鐵站YOHO Mall一帶,不論是中西日韓、放題自助餐、元朗夜市、仲有好多隱世特色小店等等都應有盡有。今次就為大家收集了2021年6間元朗必食而且又高CP值的美食推介比大家,希望下次黎到元朗就可以試試啦!

第一間推介美食:羅東肉焿番 – 台灣夜市美食 必試芋泥吐司

東肉焿番 番於台灣創立,60年代至今已起過五十年歷史 , 小店由兩位年輕老闆主理,用特許經營模式把品牌美食帶到香港,總店已傳授家傳配方,主打魯肉飯、台式肉焿湯、芋圓等等。 當中主打魯肉飯、台式肉焿湯等。而在香港分店亦可品嚐到台灣地道甜品和小食,包括有煙韌仙草芋圓、麻糬、厚吐司等等,同場也會台灣熱賣的芋泥吐司, 通通都是港人至愛!又一間台灣過江龍登港,愛台灣菜的朋友不能錯過呢。

地址:元朗鳳翔路69號建輝大廈地下5號舖

第二間推介美食: 王子餐廳 – 港式傳統鐵板餐

港式傳統板房已經愈黎愈小見到,今次元朗呢家係比較出位港式扒房,餐廳無論是製法或醬汁都主張跟足80年代港式西餐,當中可品嚐到即叫即煎肉扒、澳洲巨型T骨牛扒鐵板餐、火焰燒春雞等。 鐵板達攝氏200多度,當生洋葱絲放於鐵板上,馬上被煎熟,香氣湧出,淋上醬汁,亦會冒煙;醬汁亦跟足舊時,現代的黑椒汁多會用上牛骨製成,但80年代沒這類高級材料,則以黑椒碎、油、辣椒醬、黑椒粉等十多種材料調成;肉扒則必屬保持大大件的理念,一件肉眼至少16安士、春雞亦有900g,分量足夠兩人食用。羅宋湯亦相當重本,只用菜、牛肉熬成,和水的比例各半,每天熬過夜,肉香更突出。除了製法懷舊,價錢也盡量做到親民,鐵板餐價格在$128至$228內,分量比外面大5倍,價錢平3成!

地址:元朗安興街59-67號安泰樓地下5號鋪

營業時間:11:30 – 16:00,18:00 – 22:00

第三間推介美食: 維港灣餃子坊 – 老火湯熬製手作餃子

元朗這間手工餃子專門店,推出多款獨特口味的餃子,手工餃由餡料到包餃都是全人手製作,湯底再用上老火湯熬製,其中一定要試試招牌芫荽餃子呢!

如果想一次過試傳統口味,可以點三拼餃配刀削麵,有齊白菜、韭菜、香芹餃,每款2隻。配埋刀削麵,很抵食。芝士煎餃不算罕有,但不是每間都合格。維港灣的流心芝士煎餃就有驚喜,餡料用了三種芝士。芝士夠多,與餡料融合,是年輕人最愛款式。維港灣的湯餃亦好,因為湯底是老火湯,老火湯味濃,配餃子一流,可以連湯喝。建議配芫荽鮮肉餃,最適合喜愛芫荽人士,另外黑松露鮮肉餃亦好,雖然價錢較貴,但黑松露味突出,餃子煎得香脆。小食亦有驚喜,蜆芥鯪魚球用新鮮鯪魚打成丸,爽口有彈性。餐廳設計走港式玩味風格,讓客人食得開心。

地址:元朗水車館街74號地舖 (鄰近元朗西鐵站)

地址:元朗教育路77號京都閣地舖 (教育路分店)

第四間推介美食: 火山石牛扒專門店 – $78 抵食熱石牛

日式熱石牛料理十分受歡迎,在旺角、銅鑼灣一帶也有不少熱石牛餐廳,最近元朗教育路亦新開一間高性價比抵食熱石牛餐廳,所有牛扒都是來自美國,最平只需要$78就食到,餐廳內更另設住飲任食區,其中他們的羅宋湯十分足料,絕對值得一試呢!

呢間位於元朗既火山熱石牛扒專門店,採用日本常用的自動販賣機點餐,好有日本feel。店內所有牛扒都是來自美國,提供四款牛扒包括哥士牛扒、牛柳、西冷牛扒、安格斯牛扒。而且可以選擇不同重量,分別有180g、300g和400g,大食細食既人都照顧周到,最平只需要$78就食到。牛扒會煎到3成熟再放上非常高溫的火山石上,生熟度由你控制,五成又得全熟又得非常自由。餐廳仲有個沙律吧區域,珍珠米白飯任裝、沙律任食、飯素任加,仲有超足料羅宋湯任飲。

超足料羅宋湯,有大大塊牛肉片仲有勁多蕃茄,紅蘿蔔等材料,味道超濃郁。

地址:香港新界元朗教育路103號

營業時段:11:30 – 22:00

第五間推介美食: 老陳餅店 – 每日新鮮出爐戚風蛋糕專門店

這間戚風蛋糕專門店開業不久已吸引不少街坊前往,蛋糕店主打5款口味的戚風蛋糕,而且每日新鮮出爐,完全自家製無添加,加上價錢大眾化,CP值相當高呢!下次去元朗除了吃古早味蛋糕,也可以試試這間有質素的戚風蛋糕專門店啦!

最近在元朗西菁街新開了一間名叫「老陳餅家」的餅店 (好包舊址),光看店名還以為係主打懷舊中式餅店,估佢唔到原來獨沽一味只賣「戚風蛋糕」。另外仲有手沖奶茶咖啡特飲等,裝修仲充滿文青味。一直覺得元朗區賣這類蛋糕的地方不多,短時間已掀起一陣熱潮。 據說他們家的戚風係用了日本低筋麵粉、植物油和蛋味濃郁的湖北蛋,在店內每日新鮮製作。

地址:元朗西菁街2號興旺樓1D地舖

營業時間:12:00 – 20:00 (逢星期一休息)

Related Articles

Back to top button

Adblock Detected

Please consider supporting us by disabling your ad blocker