男人的浪漫 汽車猶豫人生

男人的浪漫 汽車猶豫人生

男人的浪漫並不是一碟豆腐火腩飯，每一個男人都會為了金錢和女人奔波一生，最後每一個成功嘅男人都會有佢一部汽車，而呢一種緣份人生亦都有好多不少嘅過客。每一部汽車都見證着每一個不同時段階段嘅你自己。就好似經歷唔同嘅風波：有人揸豐田，有人揸寶馬，有人渣馬沙拉蒂一樣。.

男人浪漫還浪漫其實現實都要歸現實，買車始終都要一些基本經濟能力並不是話買就買。而且買車都需要一定基本嘅知識同埋都好講求運氣。運氣來講其實就好似當你睇中一部你想買嘅車突然有人比你早你一步 ， 買咗你嘅心頭號亦有可能到頭來呢一部車要經歷無限輪迴嘅維修所以買車都好講求運氣嘅。本人就係有呢一種經歷，曾經覺得自己買唔到好失望比朋友早一步橫刀奪愛，到頭來見到佢不停維修，最後仲要比市價再低埋比我，而我就可以無需再進行任何嘅維修可以安心地駕駛我本來睇中心頭號嘅汽車。所以除咗運氣之外，我覺得每一部自己嘅汽車都好似冥冥中自由主宰。

小編身邊都有好多揸車嘅朋友佢哋都擁有佢哋唔同嘅座駕，聽到佢哋每一個人對自己每一部車嘅經歷就好似人同人之間嘅情意結一樣。有一次我喺大帽山見到一班揸車嘅朋友，佢嘅經歷都令我比較刻骨銘心所以我都想同大家分享一下，這一位朋友所駕駛嘅車並不是超跑但都尚算係一㗎跑車，經歷過每一次又每一次嘅賽車，每一道傷痕，每一次嘅升級不停去改裝在再增強。直至到一場交通意外發生，征戰沙場愛駒受到嚴重重傷，但係我朋友同車入面乘客只係輕傷。這場交通意外令到我朋友對生命有一種不同嘅睇法。兩個月後，我朋友將佢愛駒改裝變成舒適型。其實維修嘅費用比起買一部新嘅車價錢相差不多，但係為咗紀念這一場歷歷在目生死關頭歷史性時刻再多嘅金錢都買不到這一種回憶，而且非常有紀念價值。我朋友同我講：呢一部車算係我嘅守護神一樣，我欠佢嘅實在太多日後一定會好好珍惜帶佢睇唔同嘅風景同埋經歷我日後嘅人生。

其實汽車又好，人生又好，浪漫其實源自於自己心中對每一件事物嘅價值觀點樣去睇。就好似我朋友部汽車一樣，雖然唔係什麼名牌子，亦都唔係經典名車，絕版汽車甚至乎歐洲車都不是。但正正就是不同經歷，不少風波令到事情變得更加有價值，呢一份情意結是用錢都買不到 ， 甚至乎連朋友用來開玩笑都會嬲嬲豬。

其實如果你係一個愛車之人，應該都會養成一個良好嘅習慣，例如：勤洗車，定期檢查，保持車廂內清潔等等。這些習慣都和我們日常息息相關，因為這些動作都需要每個星期、每個月都要堅持去做的。你會從汽車身上學習到這份堅持和認真的態度。就好似人生一樣需要一份堅持同執着，令你不會半途而廢，就好似汽車如果波箱油，偈油沒有定期更換，當你駕駛上街道時踏上油門，動力會受阻猶豫人生沒有做好準備想到戰場棋差一着。行走馬路上你會遇上不同的汽車，有時你會遇上新手車、亦有不禮讓嘅司機，甚至乎你會遇上公主道車神。就好似人生路上你會遇到不同的過客，所以我自己本人都很享受揸車，尤其是遇到一些不禮讓的人，我會覺得堅守自己信念，不能衝動，包容不同所有道路的使用者，否則會造成交通意外或者生命財產會受損。

而小編我自己嘅汽車浪漫都覺得所有嘢好巧合、好有代表性，別人眼裏可能只是一件小事，但係我唔講個故事點會有人知，就好似我喺大排檔食火腩飯你識條鐵咩？小編踏入18歲就開始學揸車，家庭環境底下我學嘅係一二牌輕型貨車，由輕型貨車去到中型貨車，所經歷嘅辛酸，去過每一個街道，認識不同嘅人，我部貨車簡直情同手足。直到第三者出現亦即是我老婆，我們就開始發展三角戀嘅關係，小時候我一直希望自己長大後是揸跑車去金融嘅地方認識辦公室嘅OL，但回頭一望，再望真啲發覺自己藍色的貨車比起任何車都好看，這一刻感到覺悟，原來人生就這麼奇妙，直到我和老婆組織家庭 ， 放棄了司機這份工作，但是我還把這部貨車留在這裏畢竟已經過了15年，而我都事業開始上了軌道，新生命亦都開始誕生，由開貨車轉成七人車即將展開新的一頁。這次分享亦都是我小編的個人感受，故事並非虛構是真人真事，希望大家喜歡閱讀。